قاموس الأعلام (عثماني) — الصفحة ١٣

بر وظیفه سی ده «کتابده واردر دیه هر یازیلی کوردکاری شیئه دفعة صحيح نظريله بالقيوب، وقوعاتي تطبيق ومحاكمه ايتمك، ومنبعلوینی ده نظر اعتباره ،آله رق بر فكر مخصوص تشكيليله حقیقتى سمكه حاليش مقدر . الحاصل، حقيقتده برعلمك ايكى شعبه سی اولان تاریخ و جغرافيا فنلرى متوغللريني الك زیاده ذوقیاب ایده جك فنلردندر ؛ و وسعتلری حسبيله مرا قليلوني عمر لری اولدقجه مشغول ایده بیلیرلر. جغرافيا وتاريخدن لذت طویان آدم ايلريلد كجه او کنده آچیق بر میدان کورور، هر کیر دیکي جاده نك بيك سوقاغه تشعب ایتدیکی مشاهده ایدر هیچ بر وقت اوکی مسدود بر بره واصل اولماز؛ فنده چقماز سوقاق يك فنادر . • اسلافمز یعنی قدمای علمای اسلام بو ایکی فله چوق او غراشمش ، وبك جوق كتابلر .. كتير مشلر در . السنه اسلامیه ده وعلى الخصوص عربيده يازلش اولان كتابلوك حد وجوده و حسابي يوقدر ،مسعودی، ابن اثیر، ابن خلدون ابن جوزی، ذهبی، مقریزی، عینی کی مشاهير مورخينك متعدد جلدلر اوزره يازمش اولدقاری مفصل تواريخ عمومیه دن بشقه هر مملكتك، هر دولتك و بلكه هر شهر وقصه نك مكملاً تاريخلرى واردر خطيب بغدادينك یازمش اولدینی بغداد تاریخی ذیللريله برابر اللى بيوك جلدى متجاوز اولديني كي، ابن عساكرك يازمش اولدینی دمشق تاریخی دخى اللى يدى بيوك جلددن مركبدر مکه، مدینه حلب ،اصفهان، مرو، بلخ وسائر بيوك شهر لرك دخى بويله جسيم و مکمل تاريخلری یاز لمشدر. علمای عربك اك زياده اهتمام ايتدكاری علومدن بری ده بنه تاريخدن معدود اولان تراجم احوالدر. صحابه و تابعیندن باشلایه رق ندقدر ،مشاهير نه قدر ،خلفا، علما، فقها، محدثين، ادباء شعراء حكماء اطباء قراء، مفسرین ،مشایخ ،زهاد ،اولیا، وزرا، والحاصل هرنه صورتله اولورسه کسب شهرت و امتیاز ایتمش نه قدر ذوات كلوب كيمش ايسه جمله سنك تراجم احوالی، مناقبلری، تألیفاتلری، محل و تاریخ ولادت و وفاتاری تمامیله مضبوط ومحفوظدر بوقبیلدن اوله رق لسان عربیده یازیلان کتابلر حد و حسابدن زياده اولوب بونارك قسم کلیسی محو و نابود اولدینی حالده اليوم موجود اولانلری دخی زیاده سنه احتياج مس ايتدير ميه جك مقدار ده در بو تراجم احوالى او قدر مفصل ومكمل یاز مشلر در که جمله سنی بريره جمع ايتمك شويله طورسون بر صنفدن اولان مشاهیری دخی اكثريا عصر وقرن اعتباريله تقسيم ايدوب مثلا بالكز برقرنك شعر اسنه دار برقاج جلددن مركب بيوك كتا بلر تأليف ايتمشلر در . جغرافیایه کلنجه بو قنده دخی اسلاف خیلی ترقی ایدوب اصطخری، ابن حوقل ، مقدسی، بکری ،بیرونی ،ادریسی ابو الفدا کی صرف جغرافيا كتابلری یازان مؤلفین ایله
الجزء 01 — ص ١٣

النص مستخرج آليًّا من صور الكتاب، وقد يقع فيه خطأ.