سلامات مقالات صحفية متنوعة — الصفحة ٧٢

تلقى جو بارد على أي حال تقدر تقبض الجوزي ما عايز ... مش زي هنا . . . كله کتاحه وهبايب وكدا . وفي هذه الأثناء أحضر الجرسون الطلب فقال له السيد صدمة المنبهر : - فرانسي . . . وبالطبع لم يفهم الجرسون ذلك إلا أن السيد صدمة لا يمكن أن يدع تلك الفرصة تمر دون أن يقول للجرسون : يا أخي قلنا ليك قراتسي يعني شكراً ... أنت طوالي ترد وتقول : قراتسي سنيور بالله ديل يفهموا وين ديل؟ أي جرسون في روما تقول ليهو قراتسي طوالي يرد عليك بكل أدب وإحترام . وطيلة هذا الوقت ظل أحد الزملاء ممسكاً برأسه ويبدو أنه يعاني من صداع وهنا قال له السيد صدمة : - صداع بتاع شنو يا أخي ... انتو عندكم صداع هنا؟ الصداع في روما ولا بلاش ... بالله داك صداع من النوع الطلياني الأصلي والاسبرو بتاعكم دا ما ممكن ينفع فيهو هناك حبة الأسبرو قدر حلاوة نعناع تبلع واحدة بس تشيل ليك الصداع وجميع الأمراض المستوطنة . ولم نكد تفرغ من موضوع الصداع حتى وصل احد الزملاء وقد كان متأخراً بعض الوقت وبادرناه بالسؤال عن سبب تأخره فأجاب بأن ذلك يرجع لعدم وجود تاكسي وإزدحام الباصات وضحك السيد صدمة وهو يقول : والله حكاية . . . قال باصات قال . . . هو هنا انتو عنـدكـم بــاصـات ...؟ الباصات في روما ولا بلاش تتصور كل الباصات هناك أبو رجيلة ـ ما فيش ولا بص شركة ولا بص أهالي وأي بص يوديك محل ما عايز وحكمة الله كل الكماسرة والسواقين ايطاليين ظراف جداً ولا ود بلد بالغلط ساكت تلقاه سايق بص ولا كدا. وهي زاتها الحكاية لما تشوف البص هناك يشخر زي القطر مش زي الباصات بتاعتكم الفترانه دي . ويظهر ان الصداع قد ضايق ذلك الزميل إذ أنه استأذن في الذهاب ولكن السيد ۷۲
ص ٧٢

النص مستخرج آليًّا من صور الكتاب، وقد يقع فيه خطأ.