أسبوع بشهر
طائرة الخطوط الجوية السودانية التي غادرت مطار الخرطوم الى روما في طريقها الى لندن كانت تحمل مفاجأة كبيرة لمدينة روما والطائرة الأخرى التي غادرت مطار روما في طريقها الى الخرطوم كانت تحمل مفاجأة ضخمة لمدينة الخرطوم وفي كلتا الحالتين كانت المفاجأة السيد صدمة المنبهر الذي ذهب الى روما في مهمة ما. فعندما أخذت سماعة التلفون كان المتحدث من الناحية الأخرى السيد صدمة المنبهر.
هي
الو . . . بونجورنو . . .
بونجورنو ايه؟
بونجورنو يا مغفل، يعني ازيك وكيفك
- طيب . . . وايه مناسبة بونجورنو دي؟
يعني انت مش عارف انو أخوك كان في روما ولا شنو؟ ولا عشان أنت قاعد في
البلد دي مع الهبايب والكتاحات؟
أخوك يا جنابو . . . كان في ايطاليا ... في روما . . . ايتاليانو.
يا سلام حاجة جميله ومتين رجعت؟
اوه . . . دي قصة طويلة بعدين أحكيها ليك .
في المساء كنا مجموعة من البشرية السودانية التي اجتمعت إجتماعاً خاصاً من أجل سماع السيد صدمة المنبهر والذي استلم مقاليد ذلك المساء والسهرة وطلب أحدنا طلبا من الجرسون الذي جاء لخدمتنا وصاح السيد صدمة :
- يا سلام . . . الجرسونات في روما ولا بلاش الواحد قبل ما تقول حاجة هو يكون عرفك عايز شنو . . . وخلي بالك كلهم إيطاليين وما فيهم أي واحد ود بلد ... وناس مهذبين ونظفين مش زي هنا .
وسأله احد الحاضرين عن الجو هناك فأجاب :
الجو هناك ولا بلاش . . . اذا عايز جو سخن تلقی جو سخن واذا عايز جو بارد.
۷۱
ص ٧١