اخطارات
السنه اجنبيه دن مأخوذ اولان اسملر هم درست اوقونه بيلمك ، و همده املای صحیحلری بيانمك ايجون، لاتين يعنى اوروبا حرفلريله دخی بازلش اولديغي كي، عربى وياتركيه و فارسی اولان اسملردن دخی معروف و مشهور اولميانلر ينك محل شبهه و تردد حرفلرینه حركه وضع اولمشدر .
اسم
اسماء اجنبيه ده فرانسزلرك املا و تلفظلرینه اعتبار اولنميوب، هر اسمده صاحبنك منسوب بولندینی قوم وامت عندنده مرعی اولان املا و تلفظ اصلی به رعایت اولنمش ويونان لسانندن مأخوذ اولانلرندن اکثریسی حروف یونانیه ایله دخی یاز لمشدر مشاهيردن هر برينك اسم وكنيه ولقبندن شهرتنه کوره بری باشه ،قونوب دیگر لری آلت طرفده قوسین آره سنده ذکر اولنمش ؛ ونسبلرينك اهميت مخصوصه سی اولان بعض ذواتدن بشقه دیگر لرينك بالكز بدرلرينك اسمنى بيانه اكتفا اولنه رق، لزومسز پره اجداد لری تعدادندن صرف نظر اولمشدر . ایکی اسمی اولان ذوات و محللرله اسم وكنيه سيله وياكنيه و لقبيله دخی شهرت بولانلر ایکی محلده دخی ذکر اولمش ،ایسه ده، ترجمه لری برنده ایراد اولنوب دیگرنده [] اشارتی ایچنده اوله رن مراجعت اولنه جق ماده بیان اولمشدر . وكنيه ومخلص ولقبلری معلوم اولان ذواتك تراجمى اسملری صره سنده ،بولنمازسه کنیه لری و کنیه لری صره سنده ده بولماز سه مخلص و لقبلری صره سنده آرا نلمق اقتضا ایدر مشترك الاسم اولان ذوات ويامحللر اهمیتلرینه و زمانجه اولان تقدملرینه کوره صره لمشدر. بر اسم تکرر ابتدكجه هر دفعه سنده بيوك يازيلرله و باشده يا زلمش ایسه ده، بعض اهمیتسزلری دیگر ماده نك آلت طرفته وبالكز - اشارتيله تفریق اولنه ،رق درج والحاق اولمشدر . تراجم ووقوعات اسلامیه ده تاریخ هجرى واجنبيلره متعلق خصوصانده میلاد تاریخی استعمال اولنمش ؛ واكثريا دفع شبهه ایچون خانمی تاریخ اولديغي ذكر وتصريح ايد لمشدر. طول جغرافی پارس شهرندن کچن مفروض طول خطندن اعتبار اولنوب، مجرد بر تعصب ملى فكريله استانبولدن اعتباراً حسابچون هر دفعه سنده اوزون اوزادی یه حسابات کلفتنه احتیاج كورلمه مشدر جغرافيا وتاريخ فنلرينه متعاق اصطلاحات بوكتا بدن صکره انشاء الله تعالى، نشرى مصمم اولان « قاموس الفنون». تعليق اولنه رق، « قاموس الاعلام » اعلام دن یعنی اسم خاصلردن بشتمه برشی درجی مناسب کورلمه مشدر
لسانمزده موجود کتب رياضيه و جغرافیا لرده مثلا ) Metre carré) يرينه كيلو متره مربعی » تعبیر سقیمی استعمال اولنه كاوب، اصطلاح حكمنه كچمش ایسه ده، مثلا « اون کیلومتره مربعی تعبیر ندن Dix m. carres کلا شلمیوب Cent me carrés آكلاشيله چغندن، بونك
يرينه بالالتزام « مربع كيلو متره » تعبیرى قوللانلمشدر
الجزء 01 — ص ٢٠