طا شكيرى زاده نك موالى عثمانيه نك تراجمنى جامع «شقایق » عنوانلي اثر ينك ترجمه سی وذيالمرى و حديقة الوزراء كى بعض اوفق تفك كتابلو له « وفيات الاعيان » ك ناقص بر ترجمه سندن بشقه ذکره شایان کتاب يوق كيدر . بو قبیلدن اوله رق اوروبا لسانلرنده بولنان کتابلره نقل کلام ايده لم : الفضل للمتقدم حكمنجه بونك ايجادى شرفي علمای اسلامه وقوم عربه عائد اولدینی حالده، كافة علوم و فنونده اولدینی کی بو خصوصده دخی آور و با امم متمدنه سی عربلردن آلدقاری درسی دها ایدری به کوتور مکه جهد ایتمشلر در هرنه قدر که تراجم احواله متعلق متعدد متنوع و جسيم كتابلر یازمه ده عرباره یتیشه ،مه مش و عربیده بوانان تراجم كتابلری آوروبا لسانلرنده یازیلانلرندن قات قات زیاده قالمش ایسه ده، بوکتابلرى تنظيم وترتيبده آوروباليلرك ترقیسی قابل انکار دکلدر آوروبا اسانلرنده كرك مشتركاً وكرك آيرى آيرى تاريخ و جغرافيايه مخصوص حروف هجا ترتيبيله مرتب متنوع و متعدد كتابلر بولنمقده ، وكوندن كونه يكيلرى
ترتيب ونشر اولنمقده در .
بر طرفدن آوروپا اسانلرنده موجود اولان بویله اثرلری و بر طرفدن دخی اسلامزك بو بایده سبقت ایتمش اولان خدمتلرینی کوره رك، وبو جنس كتابارك مطالعه و مراق اصحابی ايجون و بلكه هركس ايجون درجه لزوميله نفع وفائده سنی دوشونه رك، لسانمزده بو قبيلدن مكمل بركتاب بولنمديغنه اسكيدن برى تأسف ايتمكده وترتیبی مشکلاتی دخی در خاطر
ايده رك، بو نقصانى جبر واكمال خصوصنده کی آرزومی اجرادن مأيوس اولمقده ايدم .
6
حقيقة، بويله بر اترك بزم حال وموقع واحتياجمزه تقابل ايده جك صورتده ترتيبي ، بر چوق شرائطه منوط ،اولديغندن خیلی مشکلدر . شرق ایله غرب ودها طوغريسي عالم اسلام ایله خرستیانلق عالمی آره سنده بيوك بر فرق واردر آوروبا لسانلرنده موجود اولان تاريخ وجغرافيا لغتاری اوروپا وخرستیان مشاهير وممالكندن مفصلاً ، واسلام مشاهير و ممالكندن دخی مختصراً بحث ایتمکده در لر . اك بيوكلرنده بیله آنجق برقاج بيك اسلام اسمنه راست کلنمكده در . بونك ايچون بویله بركتابك بر آورو پا لسانندن ترجمه سیله مراد حاصل اولماز و بویله بر ترجمه احتياجاتمزه هیچ بر وجهله تقابل ایده من . بزم احتياجمزه کوره بر جغرافيا وتاريخ لغنى وجوده كتيره بيلمك ايجون اوروبا لسانلريله السنة اسلاميه ده بولنان بوكى كتب متنوعه نك جمعيله جمله سندن انتخاب مواد ايتمك لازم كلير . و اوروپا ليلر کندیلرینه مخصوص مواده زیاده اهمیت ویروب ده بزه متعلق اولنلرینی ایکنجی درجه ده بر اقد قاری کی بزم ده مشاهیر و ممالك اسلاميه و عثمانيه يه زياده دقت ایدوب ، اجنبيلره
مخصوص اولانلرینی ایکنجی درجه ده براقمه من طبيعیدر .
الجزء 01 — ص ١٦