۸۰-۰ " يا نيف لا تأمن لياليك حذراك " (١٤١٦/١١/٢١هـ) :
يا نيف لا تامن لياليك حذراك مثلك يثمن لا نهيته جوابي افرز وميز لا تهور بدنياك واحذر وحاذر من لهيـب العـذابـي وعليك بالتقوى ترى الدين ينهاك إن كان ترجي للسعد والثوابي واحذر لقاء ما غاب لا تغرك مناك كم عاقل من هول الأيام شابي واعرف صديقك من عدوك اليا جاك واللاش لا يغرك قريب الخرابي لو تمدح المذموم يا نيف ما جداك لصار ساسه قابل للعيابي الطينه العفنه تخونك ابمبنـاك مثل الربا يمحق حلال المرابي اللاش لو انه بالأحلام مناك وش تستفيد اليا نصيت السرابي ولا ظن تصدق بالتنابيل روياك ولا كل راي لو عرض لك صوابي أنته بقـرن مـريب لو طالت خطـــاك يخونك اللي ما تظنه يهابي وان قل مالك بين الوقت لعداك أصدق صديق بالعداوة ينابي وان زاد مالك طاب قولك ومسعاك وسموك باسم اللي له الحظ طابي وخلوك من فوق الملا قصدها رضاك ويبور باللزمه كبير العلابي ينكر جميلك وان حصله توطاك سلكه من الأسلاك ممحوق هابي ويحفظ لك المنه من الناس شرواك لعل مثله بالدهر ما يصابي الله فرق ما بين هذا وذولاك أهل الفعول النايفه ما تجـابـي يا نيف حذرى لا تعلـق بـهـمـاك يضحك بناب والدهاء فيه رابي
- ٥١٥ -
ص ٥١٥