٥-٤٨ " يا من لقلب تجدد له ولاويله " ( ١٤١٣/٣/٢٠هـ) :
يا من لقلب تجدد له ولاويله لا قلت خفت عليه زاد لاهبها حين تطك الفواد وحين تكوي له هجس يسل الضماير لين يتعبها باسباب ميلات وقتي مع غـرايـلـه دنيا تبذ الخفا تفجع عجايبها يا ابو بدر لو بغيت اصبر على العيله النفس يصعب عليها ترك واجبها واللي مشا بالوفا بالحق نمشي له ونفس تحب الوفا ما تكب صايبها ومثلي اليا شالها وشى محاصيله واللازمه لازمه ما احـد مـجنـبـهـا والشيخ تطمع وفوده في تنافيله واهل الوفا بالوفا ترفع مناصبها ما به طمع والخطا من يمنا أزيله والدلو تمسك عراها من مقاطبها یا ابو بدر حلها بيديك تسهيله قدام تكبر على اللي ما يحاسبها والبيت يدخل لصرحه من مداخيله والحر يرفع لنفسه عن معايبها وهرج بلا فايده ما احد بمصغي له والناس بالطيبه تسمع لطيبها والسلم عند العرب تعرف معاديلـه ومثلي ومثلك ترى الايام جربها والطيب يسهل على الطيب بتحصيله حتى الاوادم أبذل الجود يكسبها والوقت يخشى خرابه من مهابيله ناس تحب القشر تكفا محالبها وابليس بين البشر ينصب محابيله كم واحد ذمـتـه يـا الشيخ يجلبها
-871
ص ٤٦١