ديوان محمد بن سليمان السحيم — الصفحة ٤٥٩

السيارة: يا صاحبي والله ماني مناجيك عود تبلوي عود والحال مجهود ما تقدر الحسنا والاحسان بيديك طالت وعرضت والجماله لها حدود تبی توضب ميت من بلاويك ما يرفع راس مشى فوقه الدود الروح راح وبـاقـيـات صـطـاويـك مديلنا الاول له سنين مفقود قم غير الموضه والايام ترضيك ولا لك بسكراب على الدرب منظود ما هوب مجدي لك ولا هوب مغنيك ما ترحم الفاني ترى العطف مريود صبرت صبر ایوب مير البلا فيك ومن جملة البلوى تبلواني هنود سواق ما يرحم ولا هوب خاشيك يسوقني سوق العفاريت مقرود يمشي على عناد من غير تشييك الين السبايك صابها جرح ولهود واليوم عافوني وانا اليوم أعـافيـك عمري نفد والعمر ما هو بمريود مع عبد بن غنام يا الـعـم راجيك عتق بليا حسان والحبـل مـمــــدود والا تراني مع زمانك معاديك ما تبلغ الغيات مع درب مسدود عليك جاه الله ترى الجاه يذريك من حوبة اللي طاح من غير مقصود واطلب من المولى عسى الرب يعطيك أخير مني كان نفسك تبا الزود واسلم وسامح واكتم الناس خافيك والجدود والجدوى لها عد مورود ولاني موصى لك ولاني بناهيك تفهم ولا تجهل والانسان محسود -204-
ص ٤٥٩

النص مستخرج آليًّا من صور الكتاب، وقد يقع فيه خطأ.