ولا تبيح سدك واحد ما درى به تصبح ذليل بين ذولا وذولاك واحرص على نيل الشرف واكتسابه كان الولي مدك بعونه وعلاك واعلم ترى الدنيا سريع انقلابه كم دوخت من عاقل واتلفت ذاك ارد العدود اليا تعذر شرابه وعلى ردى الخال لا تورد ارشاك اللاش للفزعات ما ينهقابه خله على يسراك عده مطاياك عليك باللي عنك مـا صـك بـابـه اللي اليا جيته على طول لباك ما هي سواليف تمزع ضبابه يثنى وراء الساقه ولا يقول وش جاك ذيب السرايا كان صارت نهابه وحليم عاقل كان ردوا للادراك هذي وصاتي والردى ما هقا به وضنى بك العليا عسى الرب يرعاك وصلوا على خير البشر والصحابه الصادق المبعوث لتمزيق الاشراك
✩✩✩
- ETO -
ص ٤٣٥