وياما لها في بعض الاوضاع لبيـت وياما رفعت النفس عن بعض عادات وياما لها عن بعض الافراد كفيت وياما تعبت للذة العمر مرات واللي جعلني عن هـواهـا تنـاهيــت العمر يفنى والليالي مقيمات يالآدمي ما هي على كيف مـا شيـت وراك طالب والليالي سريعات وعليك يحصى كل ما كان سويت ما غاب عن علم الولي وزن ذرات تلقى نكير و منكر وين ما جيت عد الجواب لساعة فيه روعات یا قربها یا قرب ما عنه صديت يضيع عمرك بين روحه وجيات ياما على المحذور ساعة تجريت للنفس تشبع غيها في متاهات مستخدم التسويف مع قول يا ليت وهذا مسار فيه للعبد عشرات النفس والشيطان بالشر لا بليت دوافع للشر في كل الاوقات اطلب نجاة العمر واسع لتثبيت ما دمت بالدنيا ترى العمر ساعات سل الديار اللي مضى قبـل مـريـت وتجي بك الاطلال عن حال الاموات حياة ما تسوى ولا عود کبریت العمر يطوى والنجـايـب مجـدات واعود بالذكرى مع القول صليت على نبي فضله بالكرامات نبينا المحفوظ في كل تثبيت بعداد ما درّ القلم بالسجلات
- ۳۹۲ -
ص ٣٩٢