٤ - ٢٦ مهداة للشاعر عيد بن هتيل الدوسري (١٤١٠هـ) :
الله من قلب له الصبر تعذيب جرحه عميق ومشت الصدر مصه ليلي نهار وهاجس القلب ما يغيب ولا ينشكي ما بالضماير نقصه واسند على اللي هذب القول تهذيب الدوسري يفهم رموزه و نصه يا عيد يا ابن هتيل يا كاسب الطيب ما لاح لك من ميلها لا تقصه الا على الطيب ترى الطيب يثيب واللاش بالك في لزومك تخصه يا عيد يا ابن هتيل ماص اللواليب ياللي خذا من كامل العرف حصه تنكروا للشيب والشيب ما يعيب وقالوا تنحى عن محل المنصه والعيب كل العيب باهل العذاريب واللي برز بالشين عيبه يخصه والعايل القايل على غير ترتيب الله على درب المكاره يرصه قالوا فهيم وقلت ما ينطح مصيب يقولها من شاف بالعين قصه طور ضعيف النفس فضل المعازيب والغيث ما يثمر بصبخا وجصه وترى الردي تقصر يمينه عن الطيب والشري ينكا نكهـتـه مـن يـمصـــه يقولها من لاع قلبه هنـاديـب وشاف الاسود وشاف بالوقت لصه وشاف الثعالي رائعه مرتع الذيب ولا عاش من عيشه على الكبد غصه يا عيد يا ابن هتيل زبن المناجيب القلب كنك بالمكاوي ترصه لولاي اسلي خاطري بالتعـاجـيــب واقول داله ما على الحال خصه
ص ٣٤٩