ديوان محمد بن سليمان السحيم — الصفحة ٣٤٥

٤ـ ٢٤ رد الشاعر ناصر المسيميري على القصيدة السابقة : اهلا وسهلا عد ما رفرف الطير وعداد ما يزها الشجر في شجرها وعداد ما حنت خلوج على ظير وعداد من طب البحور وعبرها والذ واحلى من حليب المباكير لا جت من روض تطاير زهرها بالشاعر اللي يصخر القول تصخير لو القوافي قاسيات صخرهــا الا ومع ذا بـشـتـه بـالـمـسـايـيـر كم حايل للضيف يرمي نحرها وان جاه محتاج رمته المقادير يقضي اللزوم وجهدته ما ذخرها محصل قولة نعم بالمحاضير عند الرجال اللي بعيد نظرها شهادة ما به تملق وتزوير لا والذي يحي الهشيم بمطرها ياللي تقول القلب كنه على كير في كـيـر حـداد تقطـع شــرهــا تشكي علي اهل الوجيه المثابير اللابه اللي ما يداوى دَبَرْها جحادة المعروف عوج المناقير بياعة الاصحاب ، عندي خبرها ما هم بكفو الواردة والمصادير ووجيهم ودك تحسّن شعرها وتحط فوق خدود ذولا دواوير علامة تعرف ويوخذ حذرهــا وعن رفقة اللي مثلهم تدفن البير وخسارة يا شيخ تطرد باثرها وتبيعهم بيعة جزور الجزازير والخاسر اللى رفقتك ما اعتبرها وان بان لك فيهم سهوم وعواثـيـر فالمخطر الحامي يهدي سطرها - ٣٤٥ -
ص ٣٤٥

النص مستخرج آليًّا من صور الكتاب، وقد يقع فيه خطأ.