٢٢٤ رد الشاعر ناصر المسيميري على القصيدة السابقة :
واعيني اللي دمعها يهمل اهمال تسهر وعنها الناس ما هم بيدرون الناس في هالوقت شامت وعذال وما ودك بخصات نفسك يويقون اهلا بخط معرب الجد والخال اللي على بيته هل الصيت يلفون اهلا هلا به عد ما زایل زال وعداد من حجوا لبيته يلبون خط الرفيق اللي وصل عقب شوال يشكي مثل ناس من الوقت يشكون وفتحت له صدر له ابواب واقفال وادرت له فكري ولو كنت مشطون وراك يا ريف المسايير مهتال الخلق للي في يده دبرة الكون هذي طبوع الناس راحل ونزال من خلقة الدنيا لما الناس يفنون ولو كل ما شفته تحطه على البال يا كثر شقان لها ما تخيطون ساير زمانك لو عليك الدهر مال واشتر وبع بالسوق لو انت مغبون حتى ايش لو المال بيدين الانذال الهيس هيس لو ملك مال قارون مثل العشر ما فيه مزبن ولا ظلال ولا منه مطعوم ولا له يحطبون والا هديب الشام للحمل شيال ومن الوفاء يكسيه ثوب له ردون وتنشر له البيضاء على راس ما طال ويفدونه انذال بطيبه يشكون واسلم ودم يا مسندي طيب الفال والناس لا سمعوا وشافوا يقولون
- ٣٤٢ -
ص ٣٤٢