ديوان محمد بن سليمان السحيم — الصفحة ٣٢٠

٤-٩ رد الشاعر عبد العزيز أبا العون الحربي (١٤٠٧/٦/١٥هـ) : يا مرحبا باللي خطوطه يكزن يسرح ويمرح بالسعه والسعاوي يكتب ويرسل والمراسيل وصلن وانا ماني دكتور كل البلاوي ما اعلم بعلم الغيب ولا استخدم الجن ولا ني على بحث السراير شقاوي عسى الصوايب يا محمد يطيبن اللي بقلبـك يـا بعيد الهقاوي أنته تضجّر مار معناك يدفن عليه من كثر اللكاعه غشاوي اما تروح يسار والا تيامن سيلك مع الوديان ما هو نحاوي وانا ادري ان الحب يجرش ويطحن وان التمر بالسوق تمر الحساوي التاجر اللي بالمخازي تباين عايش على التزوير وامره سماوي الناس هاذي ناس غلطات ومحن كل على الثاني يدوّر مهاوي بالكذب والتزوير قـامـت تـدايــن أهل المرابي والربا والرباوي هاذا وانا باقول ظن على ظن والا انت ما بينت ويش انت ناوي ابرح لي الساقه وخل المداهن ان كان عندك للمزكي براوي والله لو ان المال والحال ترهن لاسوقها من شان عينك هداوي ماني وانا ابو منيف زن ولدزن جيد بكثـر الـطـهبـلـه والحجاوي الاليا عين ظروفي يطيعن الشكوى لله كان ماني بقاوي اعطيك رايي والدلايل يدلن وانته على ما قيل ما انته قصـاوي
ص ٣٢٠

النص مستخرج آليًّا من صور الكتاب، وقد يقع فيه خطأ.