ابمدح الطيب على سر وجهاد علم موكد ما هرجته حياله الطيب له عندي ملافي ومصدار ما هو بخيل شوفته قد حاله
خطو التبيع اللي به العيب والعار وابوه قبله ما ذکر به رجاله اللي بغرات الاجاويد مكار وتلقاه بالغايب كثير جداله واليا حدّت الحاجه عن اللازمه بار خسران من شد الرحال ونصا له يعطي عن الواجب ثمانين معذار وكنه عن الواجب تصيبه جهاله اليا دارت الدنيا ودارن الادوار ثم اختلف فعل البخيل ومقاله أسند على الطيب اليا صرت محتار يفداك اليا جيته بحاله وماله والناس تدري بالفعايل والاخبار والطيب يعرف مار يصعب مناله ما يقدره رجل بخيل وثرثار يا كود من نال الشرف واستوا له مثل السحيمي بالمراجل له اذكار هداج يبشر بالروى من عنا له يا قل من يفعل فعوله بالابشار يقوله اللي مال وقته وجاله قلته وانا ما اسب وافين الاشبار وكل يسولف ما جرا وانقضـا لـه والله فرق من بين خلقه بالافكار ولا يستوي درب الخطا والعداله
والطيب له مسند ومدخل ومظهار وهذا قصر دونه وهذا يناله
✩✩✩
ص ٣١٣