ديوان محمد بن سليمان السحيم — الصفحة ١٩٢

-۱۱ من قصائد الحكم والتحذير من التدخين (١٤٠٩/٨/١هـ) : ياللي على روحه شفيق غــلاوي للروح قيمه والليالي معدوده مني نصيحه كان للفكـر حــاوي ما قيل بالدخان للمرز جوده كم من صبي فيه عقب سطاوي وَسْمِه على راعيه تشهد لهوده أنا أشهد انه من بلاوي البلاوي راعيه دايم ضایعات نقوده وياما بلي به من رجال الهقاوي رجال ما هي للهــوان محـدوده رجال مجد ياصلون الحراوي رجال سامي مـجـدهـا مـن جـدوده وياما وقع به من سقيم شقاوي نفسه على شين المشارب تقوده هزال قوم للدنـس مـا تـراوي ومن شام للهزلات رايه يسوده يا هيه ياللي للمكارم شفــــاوي عن قول قايل كان للفكر عوده لاعاد شره للشرايين شاوي والله مبين بالمعالم حدوده يا شارب الدخان خلك نحاوي عن كل حامل لا تحاول وروده جنب عن المهزول باب المساوي قدام يزرع بالشرايين دوده راعيه يشبه للعطيب العماوي الروح عنده بالشراب مهدوده يالمبتلي خلك عفيف غناوي عن كل ضايع لا تضيع بصدوده واختر جليس للمساوي يداوي ترى جليس السوء نقصه بزوده خليع ضايع عن هل الرشد داوي ومن رافق المبلوش يبلش بفوده - ۱۹۲ -
ص ١٩٢

النص مستخرج آليًّا من صور الكتاب، وقد يقع فيه خطأ.