-
- من قصائد الحكم: " حول الأمانة والاستقامة " (١٤٠٨/٤/١٧هـ):
الله من قلب نحا به ولاعه هجس لجا بالقلب حالي سلبها يا خال ما لي بالمقام استطاعه لولا الظروف اللي تزايد نشبها اكن مكنون الحشا عن ضياعه والنفس ما احد داري وش تعبها والقلب عيا لا يطيق اتساعه لبعض الرجال اللي تقدم كتبها الا وهذا يرغبون الاشاعه ما بين هذا وذاك داخل عربها اللي لهم بالضايعات اندفاعه والضايعه ينشب بها من كسبها والهرج ما به یوم افکر طماعه والنار تاكل في لهبها حطبها واللاش يكفي عن وفاه انقطاعه مثل الهدام اللي قريب عطبها لا جاك خطوان اللكيع الزعاعه يفرح بنقل السالفه لا قضبها وعود الثمامه ما يطول ارتفاعه والحنظله من شافها ما عشبها يقوله اللي شاف بالوقت لاعه انشابها مقرونة في سببها ولا ينعدل ميل الزمان وضياعه وشاة الوداعه من قضبها حلبها والقل يزري والتسول شناعه والنفس يطلب عزها في تعبها ومن كال لك بالصاع كله بصاعه جود الرجال ونقصها من حسبها واللاش لاش ولا تغير اطباعه واهل المكارم طيبها من وجبها والمال ما يرفع ردي البضاعه لا تاه رشده والمراجل عقبها
المال نعم المال لاهل الشجاعه اللي لفعل المجد ما احد غلبها
ص ١٨٦