ويا ليتنا مع عجزنا شاكرينا ونذكر بها عصر المجاع وسفوفه ونشكر بها لاهل الوفاء البارزينـا ولا ترفع اللي من وباها معيوفه ويا ليتنا لتراثنا حافظينا ولا نقول هذا الدهر هـذي صروفه نلوم وهذا فعلنا في يدينا وننسى بها عهد الشقا والكسوفه عهد مضى ما هو غريب علينا والكل منا علتـه وسـط جوفه الا ان عدنا للصواب اليقينا بردع النفوس الضايعات الهنوفه وخیر ما به رفقة الصالحينا و اعمال حسنى في ليال الحفوفه يوم ان ولد اللاش عنها مهينا ويطيب كيفه لا عطاهم كتوفه يرفع لنا عن شؤمها شاربينا والعبد لا يأمن عواقب ظروفه طاب المناخ وفازوا السابقينا واللاش فيها قانع في زحوفه لب النداء ياصاح لا تستهينا برياض تعزا للنفوس العزوفه عشاقها لسواقها حايزينا ويوم المجازا ما عليهم مخوفه العجز والتسويف لا يعترينا أيامها لطوي الآجال معسوفه وحسابها عن ما بها مقتفينا في يوم هايل بارزات صفوفه ما ينفع التمويه ولا به خذينا في يوم للكافر تـطـقـه حسـوفـه غير العمل لا طاب للطيبينا مع رحمة الباري بحال المروفه وصلوا على المبعوث في خير ديـنـا اللي صدع بالحق واثبت حروفه
- ۱۸۳ -
ص ١٨٣