٤٣ من قصائد الحكم : " راع الوفا من بينهم تقل مسجون " (١٤٠٧/٧/٢٢هـ) :
أنا اشهد ان الناس للناس يبلون حتى المعافى بشرهم يبتلونه أشوف لـي نـاس علـى نـاس يـجنـون لو هو بعيد بشرهم يلحقونه راع الوفاء من بينهم تقل مسجون واللي يبيه بخاطره مــا يـبـونــه وقت تنكّر فيه الانذال ينمون وراع الدراهم فوقهم يرفعونه واهل النمايم بالمجالس يزكون ساد الهيام اللي مضى يكرهونه والشح ساد وصاحب الشح ممنون هبت هبوبه واشتهر بالمهونه باسباب ماله صار له ناس يرجون الا وهذا ما تندي غصونه ضحضاح ياللي تطلب الدون بالدون من ذاق طعم الحنظله جاز دونه أقولها والقلب من حال محزون ماني بهاضم منهج ينهجونه أشوف لي ناس لها اجسام وذقون مار الوفاء مفقود لا تطلبونه الظول واجد والوفاء عنه ينحـون لولاي خايف قلت هذي زنونه ما منهم اللي عن سنا الوجه مصيون تعاف وقتك من بلاوي عفونه ولا اعم انا بالقول ناس يعدون بروس الاصابع ما بغوا يبلغونه اقوام بین اقوام للفضل يجنون بالمال والا الجـاه مـا يبخلونه مثل الذهب عند المهمات يلقون كم غارق من غبته ينقذونــه
- ۱۷۸ -
ص ١٧٨