وهذا هو رد الشاعر عبدالرحمن القاسم على حفيده
عبدالعزيز يقول : -
عبد العزيز اللي بدع زين الأمثال
يبدع فنون من ضميره جديده
قاله عقب مشرف على نايف الجال
متذكر وقت عسى الله يعيد
وقت مضى فيه أمبساط وسعه بال
يوم الرجال أهل الخصال الحميده
واليوم وقت مقفــي عـقـب الإقبال
الزين كمّل ما بقي له شريده
هذا زمان الهرج والقيل والقال
والوصل بين الناس وقف بريده
أحد توفى واحـد غــــره المال
تلقاه في المسجد يحسب رصيده
بيديه مسباح وبالجيب جوال
وألا المراجل عن يدينه بعيده
- AV-
ص ٩٧