مواجهات كي يبقى شيء للتاريخ — الصفحة ١٤٩

: الهواء .. إنهم للآن نظاف .. إلى الآن شرفاء .. إلى الآن يعملوا للصحافة وللإذاعة و لرسالتهم .. أنا أقول لك ثم بعدين إلى الآن يعني ما .. المذيع ما أخذ حقه في المجتمع علشان هو بيجي لشخصية .. بدو يسجل الشخصية .. بدو يتكلم .. يتجاهل ويتوسل ويتوسط وكل حاجة.. هذا ما يتنافى مع رسالته.. ما يقدر يؤدي رسالته .. أنا أقول لك حاجة .. أقولها بكل كبرياء.. بكل غرور.. نحن في رحلة تفقدية في معية الملك سعود الله يرحمه . وصلنا المدينة . . جانا رئيس الحرس الوطني.. رئيس الحرس الملكي ولد .. قلت له: إيش فيه :قال رد سيارتكم ورا .. قلت له: لأ .. سيارتنا تكون جنب الملك .. جنب سيارة الملك .. قال : أقول لك رد سيارتكم ورا.. قلت له: ما رد سيارتي ورا.. لأن رسالتي أنا والعمل اللي أنا بأؤديه تكون سيارتي أنا واللي معاي جنب الملك .. فدخلت معاه في مشادة.. وصل الملك في الصالة وقعد . خليت الميكرفونات في السيارة وطلعت المنصة.. الجمهور صفق على أساس طاهر الزمخشري الشاعر يريد أن يهلل بقصيدة .. قلت له: ياصاحب الجلالة استميح جلالتكم عذراً في العودة إلى جدة الآن.. والله يا ابني بهذه الشجاعة . . * عند الناس كلهم .. - أستميح جلالتكم عذراً وأستأذن بالعودة إلى جدة الآن .. لأني لم أستطع أن أؤدي رسالتي . الناس كلهم الجمهور يسكتوا .. قال لي الملك : تعال .. نزلت أنا الميكرفون .. قلت له نحن جينا في ركابك علشان ننقل صورة صوتية للترحيب بجلالتكم في المدينة المنورة .. ولأول مرة يزور المدينة رسمياً .. هم نهونا أننا نأخذ يقولوا لازم سيارتكم ترجع ورا زهم عليه قدام الناس.. قال: اسمع .. خذه وحط السيارة محل ما يبغى .. خذه وحط السيارة محل ما يبغى .. قلت له: لأن فيه كمان طال عمرك حاجة .. تقل له إن الركب ما يتحرك إلا لما أشر له أنا .. علشان نسجل.. والله يا أخ عبدالرحمن (۰). . قال : والركب ما يتحرك إلا ما يشاوروا لهم حقين الإذاعة. وفي مرة كمان .. نبغى نقابل الأمير فيصل .. ما كان ملك .. . في موضوع .. موضوع مهم. ما كان فيه وكالة أنباء.. كانت الإذاعة متولية شؤون وكالة الأنباء .. سقطت البريمي.. جينا ندخل الحرس ردونا . . مسكت الحارس وقلت له: أتتحمل مسؤولية ما أدخل .. قال : إيش فيه عندك؟ قلت له: ما في عندي . تتحمل مسؤولية.. أنا أقول لك ما تتحمل. قال: إيه أتحمل مسؤوليتك قلت له: سقطت البريمي سلام عليك وجيت راجع .. قال والله ترجع قلت له والله ما أرجع .. إترجاني وسلم على راسي إلا تيجي.. وريته البرقيات.. حق سقوط البريمي يقول ما تدخل قال إلا والله . يقصد الأستاذ طاهر زمخشري الأستاذ عبدالرحمن المعمر، وكان حاضراً معنا هذا الحديث الذي تم إجراؤه في بيت طاهر زمخشري في تونس في شهر ذي الحجة من عام ١٤٠٢هـ / ۱۹۸۲م وحضر هذا اللقاء أيضاً فؤاد طاهر زمخشري . - 1{{-
الكتاب — ص ١٤٩

النص مستخرج آليًّا من صور الكتاب، وقد يقع فيه خطأ.