*
عدوان على كل بلد عربي . لكن مش معناه انه اذا هاجمت اسرائيل وقربت مدفع بيحدد لي ميعاد المعركة اللي أدخلها . أنا لازم أحدد ميدان المعركة ، أحدد ميدان المعركة وأحدد وقت المعركة علشان تكون معركة أكسبها مش معركة خاسرة .
جم البعثيين وقالوا في بيان اذاعته قيادتهم القومية أخيراً أن عمليات التحويل ما أنعملتش أيام الوحدة ولا أيام الانفصال . وانا بقول لهم انكم أنتم كذابين لان احنا في أيام الوحدة في سنة ٦٠ بالذات احنا اللي تقدمنا بالطلب الى الجامعة العربية علشان التحويل ، واحنا ابتدينا نعمل مناقصات علشان التحويل، وجاء الانفصال ولم تكن هذه المناقصات قد انتهت ، وكان فيه مفاوضات بيننا وبين مؤسسات يوغوسلافية
علشان التحويل . اذن حزب البعثيين اللي طول عمره كذاب ، لما يطلع بيان من القيادة القومية ايضا بيكون هذا البيان فيه كذب
يا حضرات السادة .. ماذا قدمتم للقضية ؟
جمال عبد الناصر
القاهرة - ١٩٦٥/٧/٢٢
حزب البعثيين اللى يحاول يتبع سياسة انتهازية ويحاول يلعب بقضايا المصير . ولكن انا باقول لهم الشعب العربي كشفهم ، الشعب العربي عارفهم ، والشعب العربي عارف أساليبهم وعارف أساليب الغدر والطعن في الظهر ، وعارف حقدهم على الثورة المصرية وعلى ٢٣ يوليو وعلينا هنا، وعارف كلامهم اللي مليان سم واللي كانوا بيقولوه من أيام الوحدة، وعارف مؤامراتهم ضد الوحدة وعارف إزاي تحالفوا الانفصاليين وعارف أزاي دخلوا ثورة ۸ مارس ، وإزاي سرقوا هذه الثوره و نشلوها ، الشعب العربي يعرف كل حاجة . طبعاً حملات البعثيين علينا حملات مستمرة من سنين ولن تنتهي . الكلام النهارده بيتكلموا على اليمن مثلا بيهاجموها ، وبالنسبة لليمن بيقولوا أن الجمهورية العربية المتحدة بقوتها في اليمن بتتدخل في اليمن
مع
-A9-
ص ٨٩