فيصل اليامي
القسوط الحاله
لا ابتدى ليل الطرب والدندنات لحونه
وانشغل كل مع المطرب وعود شاله
وقامت الجادل تثني عودها بليونه
واستمرت في جراءتها ولا هي ذاله
قمت أفكر في صديق غارق بطعونه
شايل سيف الكفاح وخابر انه ساله
وما ذبح قلب المكافح غير كثر ديونه
والآجار المنتهي غير القسوط الحاله
لو جمع كل الحلال وما وراه ودونه
والكلام اللي شبع من زود ما ينقال له
كان لا طروّا الوظايف ما تغير لونه
وكان ما رجع شريط فات قد هو ماله
وقام يتذكر مشاهد شافها بعيونه
ذكرياته بالدراسه والسنين الزاله
وكيف كان اللي بجنبه لازم يمشونه
ويكتبون الحل عنه حتى لو هو حاله
ضيعوا مستقبله واستبشروا بحزونه
نشفوا له ريقه اللي كان توه باله
- ٣٢٦ -
ص ٣٢٦