الله من هجس على البال مكنون " (١٤١٣/٧/١هـ):
٤٤٣
الله من هجس على البال مكنون من خوف يفرح حاسد بالتهابه وقت تنكر والوفاء صار في دون وان شفت لك صرح ترقب عيـابـه وشلون ابدله مع هل الوقت وشلون والصدق معدوم ولا احد عطا به الا قليل في لزمهم يعيون على مسار الحق فيهم صلابه ويا كثر من هم للمكارم يهدمون يهنا لهم فعل الردى واكتسابه الله اكبر فاقد العقل مجنون يبي يهز الشامخ ما درى بـه أبمدح الطيب على غير يرضون اللي يبون بدم الاجواد ثابه لولا الثناء ما كان للمجد ماعون یا لیت راع اللوم ثمن جوابه ياللي على فعل المكارم تحسدون المدح للاشـبـال مـا بـه غـرابـه الجود والجدوى لها ناس يشرون والناس ما ينصون بيت الخرابه ينصون بيت العز فيه يتذرون بيت الوفاء والجود يلقا الذرى به ياللي لدم الوجه دايم تبيعون تباً لمن حـاش الـردى في جـرابـه ما بالردى نوماس لو كان تدرون ومن هاب للطولات ما اتعب ركابه ومن كانت الدنيا والاجواد يزكون وهاذي غرايز ما حضوا به نهابه والغيب بالقدرة عن الخلق مكنون وكل يلاقي مـا عمـل فـي كـتـابـه ومن عاش بالتقوى عن اللوم مصيون لو كدر الحساد لذة شرابه
-11-
ص ٢٦١