ماشوف لي فيها ملامس مقاضيب ملسا هدفها بالأديب امتيادي وشطبتها في روس الاقلام تشطيب ماني مدخلها لسوق المزادي خايف شرارتها تولع مشاهيب يحول دون المستحيل العنادي وان كان فايز ما يهز المشاعيب وعلى الرفاقه مايشيل الهوادي مثله ترى ماني قريب محاضيب وعلى القرابه مايشرر زنادي وان طب سوقي للمشاكل جلاليب قصرت للباع الطويل القيادي مابي طمع لمفتلين الاشانيب لاصار من بين النشاما طرادي عنفي يهدي عنفوان الاصاعيب قاسي ولين للرفـــاقــه مــقــادي ولاني على العالم موزع مصاليب وعن ما يثير الخافيات أنفرادي وليا حصل لي شتلة بالعراقيب مافيه داعي للبسيط الضمادي الوجه سالم والسلامة مكاسيب والناس تدري بالخطا والقوادي ولو كل مادبت علينا دباديب من بعض ما نسمع هجرنا الرقادي كم كلمة قيلت وراحت ذباذيب ما يلفت الانظار غير الوكادي واللي يسربها مع الناس تسريب اخف عقله من جناح الجرادي ماهيب محتاجه تقصي وتنقيب لاهوبها يقضي عليه البرادي لا جمدت نشفت حلوق الدغاليب اللي تلوث بالنظيف الفـ سادي يافايز الموسى حصان الاطاليب ترى الهدف ماله بسيرك مسـادي من بيننا ما يدخل الشك والريب نحو الهدف من بحر الاطلس وغادي لهجه ملافيها قلوب النصاصيب وعنها مجال الطيبين أتحادي براتهم براة يوسف من الذيب واللي يجادل صاحب العقل غادي ختمتها بأشرف تحيه وتهذيب والله يوفقنا طريق الرشادي وصلوا على اللي حارب الشرك تحريب على الرسـول اللي للاسلام هادي
......
١٨٨
ص ١٩٠