طالبه الطلاق وان قال لها واحد جوزك يا فلانه تقول جوزي حيلته ايه انا رايحه أكل الطوب عنده ولا اموت من الجوع اللي ما بقى حيلته ولا النسمه وكل اللي جرى ده سبيه وشها الارشل ع . صحيح انك تستاهل ضرب المراكيب بقى يا حمار ما كانشي فيك عقل لما قمت تطاعن في عمك
اللي رباك وفضل يكدش عليك من هنا ومن هنا لما خلاك بني آدم دي عمله تنعمل يا مجنون تطاوع المره وتخرب دارين على شانها . لما حكم عليك الوعد ما كنتش تشاور واحد عاقل انت ما شفتش العمد التقال اللي مسكو في بعض دا يقتل قتيل ويحطو على باب دارده ودا يغرق زرع ده ودا يسلط الحكام على ده ودار وا يرهنوا اطيانهم ويحتروا في الفلوس لما صبحوا والفلاحين احسن منهم والبعض منهم داير حول البلد طول النهار يرعى الكلاب بالنص وتكلم الواحد منهم برضه يقول لك انا ابن فلان يخي يا ابن الحرام ابوك كان طنبه وعمده وفكاك مجالس وعاش طول عمره مستور ودواره مفتوح للرايح والجاي ومقامه عند الحكام زي مقام واحد باشا وانت طلعت زي عفاريت القياله فضلت تعفّر وتدرى لا ما خليب ولا بقيت وترجع تقول ابويا وجدي . اهو انت راخر ضيعت الفدانين بتوعك وخربت دار الراجل ورجعت تمص صوابعك ولا حصلت دار ولا مره ودا كله من جهلك وتربيتك الزفت لو كنت متربي صحيح وتعرف قيمة الطين والعيشه كنت فضلت تحت باط عمك سايب كلابها على ديابها وانت داير مرتاح تسرح غيطك على فرسك وخدامك وراك وترجع اخر النهار لدارك تلاقى الطبيخ مطبوخ والعيش مخبوز وكل شي معدن تاكل وتدب
ص ٣٣١