سلامات مقالات صحفية متنوعة — الصفحة ٨٥

وهدأ قليلاً ثم قال : - طيب .. عشان خاطر الخوة البينا أنا حأخدمك .. دلوقت نمشي لعمنا الشيخ تمساح اخوانه .. وأنت من فضلك خليك ساكت واسمع الكلام وأوعاك تقاطع والموضوع كله بيع وشراء .. قلت : تمساح إخوانه دا يطلع منو؟ قال : يا سلام لما نمشي هناك بعدين أنت حتشوفو وحتسلم عليهو وحتلقا هـو راجل فاضل ومستعد يتعاون معانا . قلت : حسناً نذهب. وفي طريقنا الى منزل الشيخ تمساح إخوانه .. كنت أفكر في هذا الشيخ ولماذا هو تمساح إخوانه .. حتى وصلنا المنزل ... وقد كان هناك تمساح قديم محنط ملزوق على باب المنزل - علمت فيما بعد أنه شعار الشيخ المذكور أعلاه ... وقابلنا الشيخ تمساح إخوانه مقابلة عظيمة، وترحاب أعظم وسألنا عن أحوالنا واستمرت هذه الترحابات حتى قال صديقي عم فاتحاً الموضوع : - الحقيقة يا الف جنيه، وجينا قلنا أحسن منك ما بنلاقي .. وياكا زولنا وياكـا عمنا وولـدنـا . . دا من يوم الليلة تعتبره زي ولدك . تمساح . . اخونا . دا .. عايز يشتري دمورية ودهب في حدود ((. وقال الشيخ تمساح «مرحب. .» حبابكم ألف .. والله نحنا يسرنا خدمـة أخـوانــا وأولادنا .. نحنا عندنا غيرهم شنو؟ لكين الدمورية اليومين دي شوية صعبة ومعدومة ونار أصلها ما بتنهبش ... والذهب طار راح يا ولدي والحاجات دي بقت غالية . . وقال صديقي : غايتو يا عم تمساح أنت باصر لينا من هنا لهنا .. والراجل دا أول مرة يجيك ما ترجعه قمحان . هسع أنت أتوكل على الله وقول خير. وتوكل العم تمساح إخوانه على الله وقال خيراً ثم دخل حجرة فاتحة على الصالون وقد عقدت الدهشة لساني وأنا أسمع عن الدمورية والذهب وأنني سأشتري دموريـة وذهبا بألف جنيه وأنا لا أملك أي شيء ... وقلت لصديقي هامساً. أسمع الحكاية شنو أنت ..؟ دهب ودمورية .. وأنا ما فاهم حاجة . . ٨٥
ص ٨٥

النص مستخرج آليًّا من صور الكتاب، وقد يقع فيه خطأ.