ليهم عايزين نأخذ أقواله .
وجاء رجل البوليس وقال لي :
في واحد مبلغ عليك ... وقال أنت اتهجمت عليهو في البيت وضربتو.
ومن تحت البطانية قلت ليهو:
- أنا . . . أنا ضربتو . . . وهو .. وهو أنا عندي حيل أقدر أضرب لي زول ... يا أخوانا
الناس دي مالها بقت مجنونة وما عندها عقل.
وقال رجل البوليس :
والله غايتو في بلاغ على أي حال.
فقلت ليهو:
یا زول بلاغ بتاع شنو... أنا قلت ليك أنا راقد من الصباح هنا ومـا قـادر
أتحرك . ودخلت أيدي تحت المخدة وطلعت ليهو أورنيك الراحة . . . على أية حال . . قول أخذ أقوالي وبعدين ما لقوا على أي حاجة . .
وصاحبنا الأفندي زوجته قالت ليهو:
احسن نطلع للراجل الشبكة دا من البيت بتاعه .
وحاتك أسبوع ما أخدوا تاني في البيت ودلوقت البيت جاهز وعايز أأجره ليك أنت . . . والايجار خمسمية جنيه والكهرباء عليكم ودي المفاتيح .
وهل تصدقوا ايها القراء أنني رجعت مرة أخرى للسيد كموش؟ لقد نجوت بجلدي قبل أن يطلع السيد كموش واحد أورنيك راحة من أجلي.
والسيد كموش لا زال في حيرة وهو يقول لكل من يقابله :
والله حكاية . . . البيت جاهز والمفاتيح جاهزة والولد دا ما عايز يجي تاني مـا عارفين حكايتو شنو؟ .
۸۳
ص ٨٣