سيد طه - يا أخ الفورم دا فورم (بي) وأي فورم من النوع دا لازم يكون معاه
شهادة بحث .
ويحتج سيد سنهوري :
لكن يا سيد طه طلع منكم منشور بيلغي شهادة البحث في حالة فورم (بي) ويتناول سيد طه الطلب وينظر فيه مليا ثم يقول :
أي والله . . . كلامك تمام .. اذن دي ما عايزه شهادة بحث :
ويتدخل الموظف الأول :
- يا سيد طه المنشور بيقول تلغي شهادة البحث في حالة فورم (بي) لما يكون الموضوع داخل السودان لكن دي حكاية خارج السودان .
وينظر سيد طه مرة أخرى ثم يقول :
- أي والله فعلا دي عايزة شهادة بحث ... يا أخينا (موجهاً الحديث لي) أنت الجماعة الهناك ما قالوا ليك دي عايزه شهادة بحث ولا لا؟
أجبت : لا . . . أبداً .
ويصمت السيد طه برهة ثم يقول :
- طيب . . . يمكن ما عايزه شهادة بحث .
وفي هذه الأثناء كان هناك المراسلة يقف صامتاً وهو يستمع الى هذا الحوار... وأخيراً نطق ببعض الكلمات سرت على أثرها همهمة بين الموظفين الثلاثة وتنفسوا الصعداء وشعروا براحة ما بعدها راحة ثم صاحوا بصوت واحد :
أيوه تمام . . . دي عايزة دمغة . . . طيب وين الدمغة؟
ص ٦٣