سلامات مقالات صحفية متنوعة — الصفحة ١٩٠

"الثقالة الرابعة" الود بتاع نكتة في بعض المجالس التي تضمك مع أصدقائك مجال واسع للثقالة وخاصة مع الذين يحبون رواية النكت والطرائف ... فهناك ناس دمهم خفيف وبتاعين نكت وطرائف ... ولكنك تستطيع أن تتثاقل عليهم الى حد بعيد . ففي أحد المجالس ... أبتدأ أحد الظرفاء يروي نكته فقال : واحد في مستشفى المجاذيب . ... وقاطعته قائلاً : واحد ولا اثنين؟ ها . . . ها ... قال : أسكت يا بايخ واحد في مستشفى المجاذيب. قلت مقاطعاً : لكين هنا فى مستشفى بتاع مجاذيب؟؟ قال : أبداً الحكاية دى مش هنا. الحكاية دي حصلت في حته ثانية . قلت : ها . . قال : واحد في مستشفى المجاذيب - جو عشان يخرجوه . لأن الدكتور قال لأهله خلاص الزول بتاعكم بقي كويس ... فقام المجنون قال للدكتور طيب أنا عايز أسألك سؤال ؟؟ يا دكتور . . . الماسورة دي بت منو؟؟؟ واستغرب الدكتور جداً وقال ليه : ما فاهم كيف الماسورة بت منو ؟؟ المجنون قال للدكتور لا ... لازم توريني ولو ما عارف قول ما عارف . الدكتور قال ليه طيب أنا ما عارف قام المجنون قال للدكتور: يـا عـويـر المـاسـورة بتنقط . . . « . بت . . . نقط» وقبل أن يضحك الأصدقاء وبمنتهى البرود والتبلد قلت مقاطعاً : أها والدكتور قال ليه شنو؟؟ وتجمد بيان الأخ المنكتاتي ولم يكن يتوقع مثل هذا السؤال لأنه لا يعرف له إجابة . قال : الدكتور يقول ليه شنو ما هو كلام والسلام . ۱۹۰
ص ١٩٠

النص مستخرج آليًّا من صور الكتاب، وقد يقع فيه خطأ.