هزاع شف جارك بنا صار بوَّار … جيراننا كنهم علينا زراتي
يا اللَّه عسى الهدلان بالخير عمّار … ابيوتهم للعز متبيناتي
يا اللَّه لا تقطع للأجواد ذكار … قصيرهم لا راح ما به حفاتي
خيّالهم بالضيق يقلِط على الجار … ويفك مضهود جَدَاه التِفَاتي
لا جا الملاقا عند حسكات الأوبار … ترايع لمركاضهم لين يأتي
كسّابة للجود وافين الأشبار … على النضا والا على المكرماتي
لعل مَيَّتْهم بعيد عن النار … وعسى بقية حيهم بالغناتي
هذه القصيدة في النصح والإرشاد للشاعر الكبير هادي بن عبد اللَّه بن القعيمة القحطاني قال فيها:
بدينا بذكر اللي عزيزٍ ورحماني … عزيزٍ يعز الخلق ويجمل احواله
اللَّه خلق مسلم وشيوعي ونصراني … وكل على قد أعماله كال مكياله
وترى من تمسّك في عرى خمس لركاني … يثيبه جليل الملك واللي يبي ناله
عسى اللَّه يزيّن مبتدى أمري وختماني … وعسى من عبد خلاقه النصر يهياله
وأنا اسباب ما هيض غرامي وشقاني … زماني درس وازريت لا رقع اسماله
أحد الليالي والليالي تحداني … وما فات من دورٍ على قلت يسقاله
أطول لمل فيها وهي طولها افناني … ولا من بيفزع لي ومن بشتكيها له
سوى اللي خلق روحي قدره وسواني … وحمل في سفينة نوح لزواج واسواله
وهو لول التالي لحد ما معه ثاني … وهو ناصر اللي يزهمه حين يشكاله
صبرت وصبرت وكل ما في الخفا باني … كشف وانكشف والصيد ناحر لختاله
أنا بانصح اللي له جلالٍ وله شاني … يعرّب تراه يقال نصف الولد خاله
يدوّر لمجني من حجي روس ضلعاني … لو كان يتعب من مذبه ومحواله
٩ / ٢٠٢