وقال الشاعر دغش بن سالم الكدادي على لسان الشيخ شافي بن سفر بن شبعان (١):
يا ركب حمرا غشها سحامه … ترعى الزهر لين الشحم فوقها زام
ملفاك ابن هادي مقدي الجهامه … راعي البويضة اللي على الحرب عزام
حن درعه الضافي وقوه حزامه … وعدوه القاسي ندوسه بالأقدام
وعده لبن شفلوت راعي الشهامه … شيخ الشيوخ متيه كل مرزام
صبيان قحطان عليكم ملامه … ولها على صبيان جنب تلملام
حنا كما مايح ثمانين قامه … جوفا وفي جيلانها تسعة أهيام
ما يظهر المايح من أقصى مقامه … الا جواذيبا وربعا وخدام
وان كان جذابه وني عظامه … يقعد بغله في قليبه ولاقام
حنا شوى وشايلتنا القرامه … قطاعه نذبح ولو كملوا يام
وارمحنا وسط المدينة علامه … مع الصحابة قاتلوا ذيك الأيام
أما قصيدة الشيخ محمد بن هادي بن قرملة وهي معروفة ومنها هذه الأبيات قال:
يا سابقي تستاهلين السلامة … الله يجيرك من بلا سو الايام
لا بد من يوم يثور أكتامه … اما على المطران والا على يام
ياذا البهم والله ان تبادي الجهامه … لما تجي من بين صقوى والاوجام
لي لابة حدرتها من تهامه … وسلاحها صنع الفرنجي والاروام
ورد الشيخ راكان بن حثلين على قصيدة الشيخ محمد بن هادي بالقصيدة التالية:
يا راكب حر تذرّب سنامه … عليه ني راكب من العام
ماصك لحيه في ليالي فطامه … وعظمه قوى لبن كل مرزام
إلى ورد عد يطير حمامه … جا للصريمة من لحيه تفصام
(١) رواية حمد بن حمود طويل الرمح
٧ / ٤٨٢