الجو عقب أهله غدابه عسامي … معاد لي مقعاد بعد المناعير
يتلون زينات عساها الوسامي … ترعى نباته جلها والمصاغير
حليبها يجلي صدا كل ظامي … ومن قدمه يكفيه كل المعاذير
وجبة سريعة للضيوف الحشامي … عادة هل العادات لاجا مسايير
تحلب على مر الليالي وعامي … يفرح بها الطرقي وراعي المداوير
من بعد ذا بالعون حيل جسامي … وهذي فعول الطيبين المشاهير
هذاك راضي والرضي له علامي … مشهور فعله فوق روس العثامير
هذاك بن ربعه وهذا كلامي … ومن قال صادق ما يخاف المحاذير
عف عفيف من رجال كرامي … ما فيه يوم سمعت منه الهواذير
كدادي شبحه بعيد المرامي … يفرح ليا جاه المسير من عصير
الضيف دايم عندهم له مقامي … ما فيه يوم يحسبون المخاسير
خلف رجال مخولين بعمامي … ما كر حرارًا فوق روس المجادير
هواجر لاثار عج الزحامي … يروون حد العود من غير تقصير
تاريخهم مشهود شرق وشامي … يوم السريا في عقب كل شرير
يوم على تين اكفهر بظلامي … معارك يشبع بها الذيب والطير
قفا الشريف بحسرته ما يلامي … مهزوم مسكور الجناحين
كالطير عبد الشريف يشوف والجو حامي … لا شك صور القوم تصوير
أيضًا ثنا رجله صليب العظامي … ويشهد شهادة حق ما فيه تزوير
أصبح جزاه مشوكك بالحزامي … حتى ان شعره ما يجي له تعابير
يبغون كتم السر والسر زامي … والله ما يخفيه هرج المعاثير
(١) رواية فلاح بن ملفي.
٧ / ٤٥٥