وأفعال اختياريه نك وجودن عدمندن ترجيح إيتمكين لازم اولان داعية حق تعالي حضرتنك مخلوقي اولماغي جبر محضه استدلال اولنمق خطأ فاحشدر، اول داعية أكرجه خلقًا حق تعالى حضرتنه منسوبدر لكن كسبًا عبده مستند در أحد طرفي معذورة بالذات متعلق اولوب صفة أخرى يه متوقف اولمامق إرادت قديمة موثرنيك قضايا سندن دكلدر بلكه أرادت حادثه كاسبه سنك دخي حال اولدر أوقات معينه حسبيله كاه وجودنه وكاه عدمنه متعلق حادثه كاسبه سنك دخى حالي اولدر أوقات معينه حسبيله كاه وجودنه وكاه عدمنه متعلق اولمق شانندندر بو وجهله دكلدر كه اول تعلق مقتضاي ذاتي اولوب ووجوب طريق ايله اولا بلكه هر برينه تعلق وقتنده جانب آخره تعلق ايتمك جائز اولمق طريقيله تعلق ايدر زيرا أفراد عقلادن بلكه صبياندن دخى بر فرد يوقدركه أفعال اختياريه سندن برفعلي إيشلدكنه إشلمكدن كنديسني عاجز بيله حقيقت اختيار بودر أمر تكليف وثواب وعقاب بونك اوزرينه دائردر.
وحضرت آدم إيله حضرت موسى نك عليهما السلام وعلى سائر الأنبياء العظام مناظره لرنده إنسان أفعالنده مجبور ومعاصيده بالكلية معذور اولماغه دلالت واردر ديمك بهتان صريح وافتراء قبيحدر هر برينك منصب نبوتده قدر شامخي ومعرفت
٤ / ٤٧٣